اولاً كدا الشهادة بتأهلك لأي
الشهادة بتأهلك لبكلوريا علوم الحاسب والمحاسبة
بمعنى انك يا صديقي معاك وجهتين تقدر تختار بينهم
يعني يا صديقي ممكن تاخد شهادة المعهد وهنبهك لجزأ الشهادة العملي وليس النظري لأن بأختصار يا صديقي الشهادة النظرية من اي كلية بتتبل وتشرب ميتها .. الشهادة العملية بقا مهمة جداً لأن السؤال لما بتروح تشتغل بيبقى بتعرف تعمل اي ومعاك شهادة فيه ولا لأ مش بيقولك انت بتعرف تحل اختبارات ولا نظريات
توهت مني ؟
بص يا صديقي
انت هتاخد شهادتك العملية وبأذن الله بتكون امتياز مع درع او جيد جداً اقل من كدا يبقا حرام عليك.
بعد مبتاخد الشهادة هتبدأ تحدد وجهتك وال مفروض انك محددها من قبل دخولك المعهد وهي
الغاية !
الغاية يا صديقي هي هدفك
اي رأيك تكون مبرمج ؟ تكون مهندس IT تكون مصمم جرافيك وحجات كتير ف علوم الحاسب هكلمك عنها .
عايز ابشرك يا صديقي ان متوسط دخل المبرمج هو 30 الف جنيه شهرياً دا لو بيشتغل بالشهر مش بالانتاجية
اما لو بالأنتاجية فمتوسط برمجة تطبيق واحد ارباح البرمجة بتكون 50 الف جنيه.
متوسط دخل مهندس الIT الشهري هو 25 الف جنيه وشغله بيكون بالشهر مش بالانتاجية.
مصمم الجرافيك ودا اقل حاجة في المجال دخله بيكون عالانتاجية لو فري لانسر وسعر اللوجو بيوصل ل1200 جنيه
اما لو هيشتغل فشركة فدخله الشهري 15 الف جنيه فقط 💔
هل بعد كل دا لسة شهادة المعهد مش فرقالك ؟
شهادة المعهد هي بوابتك للدخول للعوالم دي ومن غيرها مش هتقدر تبدأ فأي حاجة .
عايز اقولك اجتهم في العملي فرابعة عشان تعوض الفلوس ال دفعتها طول السنين ال فاتت
سنة 2020 اتخرج من المعهد 31 مبرمج فقط والباقي اختار طريق المحاسبة
ازاي ابدأ في موال البرمجة !؟
عشان تبدأ في البرمجة مينفعش تكون ابيض ياورد.
اولاً هتحفظلك كام مصطلح من عندنا هنا
بعد كدا يا صديقي هتقرا المحاضرات دي هتدخلك ف عالم البرمجة اضغط هنا للفتح
بعد كدا لو حبيت البرمجة هتكلمني ابعتك لكورس او منحة مجانية او بمبلغ رمزي في محافظتك .
" 01208919116 "
وفقك الله يا صديقي
